عن ذبح القطط 

كتب: جعفر عباس 

.

جاء في صحيفة الجمهورية المصرية أن طالبة في جامعة عين شمس لجأت إلى القضاء لطلب الطلاق من زوجها في محكمة زنانيري للتسوية: ليه يا دلعدي؟ قالت: يا جناب القاضي.. مقدرش أعيش وياه.. ده بخيل ومجرد من العواطف! تصور الراجل ده رفض يعمل حفل الزفاف في فندق محترم!!.. واحدة واحدة يا بنتي.. حفل زفاف إيه؟ مش انتم متجوزين من 16 أشهر؟.. آآ متجوزين.. بس لما لقيت عريس مناسب لقطتي قررت أعمل الفرح في فندق خمس نجوم وهو قال لا.. قال نشوف فندق أرخص شوية! هنا صاح القاضي: إزاي لقيتي لها عريس مناسب وكمان عايزة تعملي فرحها في هوتيل؟ مش القطط بتتجوز في أي خرابة وخلاص؟ كاد يغمى على الفتاة الجامعية: أنا قطتي تتجوز أي قط من طرف وكمان في خرابة.. دي قطة متربية وبنت ناس ومن عيلة محافظة وعلى مستوى ولازم يتعمل لها فرح ما حصلش. أودي وشي فين من صاحباتي لما يعرفو ان قطتي اتجوزت في فندق أي كلام؟ هنا تدخل الزوج: سيدي القاضي أنا مش رافض مبدأ عقد قران القطة في فندق.. بس قلت بلاش حكاية خمس نجوم ونخليها في فندق تكلفته أقل

ونجح القاضي في الصلح بين الزوجين بالتوصل إلى حل وسط يقضي بأن يكون “الفرح” في فندق أربع نجوم، (لو كنت القاضي لقلت للزوج: طلقها بالتلاتة يا ابني وشوف لك قطة مغمضة)

وعطفا على موضوع القطة اللقطة تلك أحكي لكم حكاية الشاب الذي ما أن اختلى بعروسه في ليلة الدخلة حتى صفعها على وجهها ثلاث مرات، وأغمي عليها وتم نقلها الى غرفة العناية المركزة بالمستشفى، وجاءت الشرطة: إيه؟ مين اللي عمل في مراتك كده هنا نثر الرجل الدرر: لا مفيش .. الحكاية وما فيها أن أمي نصحتني بذبح القطة للعروس، وقالت لي لازم أديها العين الحمراء وكمين قلم (كف) من أول ساعة نقعد فيها لوحدنا، وعملت بنصيحة الوالدة وضربتها تلات أقلام (كفوف/صفعات)،.. وبدل ما تسكت عليهم هاجت وشتمتني وضربتني كمان!! تصور يا حضرة الصول.. أضربها تقوم تضربني.. نسوان آخر زمن!! قمت شلت حديدة ونزلت فيها ضرب وفين يوجعك.. والنتيجة زي ما شايف قدامك. (وهكذا تسبب قطة في طلاق بعد زواج دام ساعات)

والسؤال: لماذا تزايد عدد القطط الضالة في الخرابات اليوم؟ هل السبب أن رجال آخر الزمن توقفوا عن ذبحها فور إكمال مراسيم الزواج؟