رسوب حتى في الملحق

كتب: جعفر عباس

.

وصلني التالي من صديق قبل 6 شهور مصحوبا بقوله: هذا اختبار لا ينجح فيه إلا ود/بت عرب، ورسبت بتقدير ممتاز، ثم جلست أذاكر وأذاكر وجلست للاختبار مجددا ورسبت بتقدير جيدا جدا، ومن حقي ان أتساءل: دا عربي دا يا مرسي؟
قاﻝ ﻟﻴﻬﻮ : ﻭﻳﻦ ﺍﻧﺖ ﻳﺎﺯﻭﻝ؟ ﺍﻟﺘﺎﻧﻲ ﻗﺎﻝ : ﺍﻧﺖ ﺍﻟﺒﺎﺭﺡ ﻣﺎ ﺧﻠﻴﺘﻨﻲ ﻓﻮﻕ ﺍﻟﺤﺎﺣﺎﻳﺔ (1). ﺑﺲ ﻓﻮﺗﻚ ﺷﻠﺖ ﻟﻘﺎﻭﻱ (2) ﻭﻣﺸﻴﺖ ﺍﻟﺒﺎﺭﺍﺑﺎ (3) ﻣﺮﺓ ﺍﻃﻖ ﺍﻟﻠﻘﺎﻭ (4) ﻭﻣﺮﺓ ﺍﻫﺰ ﺍﻟﻌﺎﺭﺍﺕ (5) ﻻﻣﻦ ﺟﻴﺖ ﺑﻲ ﻋﻨﺪ ﺯﺭﻳﺒﺔ ﺍﻟﻌﺒﺮﺍﻥ (6) ﺍﻟﻼﺕ ﺍﺑﺮﺍﻫﻴﻢ . ﻟﻘﻴﺖ ﻟﻲ ﺍﺗﺮ ﺍﻟﻠﻴﻞ ﺍﻡ ﺻﻔﻴﺮﺍ (7) ﺑﺎﺭﻳﺘﻮ ﻟﻲ ﻋﻨﺪ ﺍﻟﺪﺷﺔ (8) ﺍﻟﺠﻤﺐ ﺑﺎﺑﻮﺭ ﺍﻟﻨﺰﻳﺮ ﻟﻘﻴﺘﺎ ﻭﻗﻌﺖ ﺍﻟﺒﺤﺮ ﻋﺎﻳﻨﺖ ﻓﻲ ﺍﻟﻮﻏﺶ (9) ﻟﻘﻴﺖ ﻟﻲ ﺟﺤﺮﺍ ﻛﺒﻴﻴﻴﻴﺮ ﺍﻧﺎ ﻗﺎﻳﻠﻮ ﺟﺤﺮ ﺍﻟﺰﺑﺎﺩﺓ (10) ﺍﻟﻜﻤﻠﺖ ﺟﺪﺍﺩﻧﺎ ﻗﻢ ﻛﻮﺭﻛﺖ ﻟﻠﺸﻴﺦ ﻗﺘﻠﻮ ﺟﻴﺐ ﺍﻟﻜﺠﺎﻡ (11) ﺑﺘﻠﻘﺎﻫﻮ ﺗﺤﺖ ﺍﻟﺴﻴﺪﺍﺏ (12) ﺍﻟﻔﻲ ﺍﻟﺨﺲ (13) ﺟﺎﺑﻮ ﻭﻗﻤﻨﺎ ﺷﺮﻛﻨﺎﻫﻮ ﺑﻲ ﺯﺭﺯﻭﺭ ﻭﻣﺸﻴﻨﺎ ﻋﻠﻲ ﺍﻟﺤﺎﺣﺎﻳﺔ ﺑﻌﺪ ﺷﻮﻳﺔ ﺳﻤﻌﻨﺎ ﺍﻟﻮﺍﺭﺹ (14) ﻭﻗﻤﻨﺎ ﺟﺎﺭﻳﻦ ﺣﺴﻴﻦ ﺷﺎﻳﻠﻮ ﺍﺭﺑﻞ (15) ﻭﺍﻧﺎ ﺷﺎﻳﻞ ﻛﺪﻧﻜﺔ (16) ﻗﻠﻨﺎ ﺧﻼﺱ ﺍﻟﻜﺠﺎﻡ ﺟﺎﺏ ﺧﺒﺮ ﺍﻟﺰﺑﺎﺩﺓ ﺑﻼ ﻧﻠﻘﺎﻫﻮ ﻗﺎﺑﻀﻠﻮ ﺻﺒﺮﺓ ﻋﺠﻮﺯ ﻛﺘﻠﻨﺎﻫﺎ ﻭﺟﺪﻋﻨﺎﻫﺎ ﻓﻲ ﺍﻟﺒﺤﺮ ﻭﻃﻮﺍﻟﻲ ﻣﺸﻴﺖ ﻋﻠﻲ ﺍﻟﺴﺮﻳﺘﻖ (17) ﺍﻟﻠﺖ ﺍﻣﺤﺪﺯﻳﻦ ﺳﻘﺘﻬﺎ ﻭﻣﺸﻴﺖ ﻋﻠﻲ ﺍﻡ ﻛﻮﺑﻚ(18) ﻟﻘﻴﺘﺎ ﻗﺎﺑﻀﺎﻻ ﻛﺎﺑﺮﻭﺳﻴﻦ (19) ﻭﺩﺑﺴﺔ (20) ﻭﺗﻼﺗﺔ ﻛﻨﺎﻛﻴﺞ (21). ﺷﻠﺘﻬﻦ ﻭﻣﺸﻴﺖ ﻋﻠﻲ ﺍﻟﻌﺎﺯﺓ ﺣﻤﺮﺕ ﻟﻲ ﻣﻨﻬﻦ ﺍﻛﻠﺖ ﻭﻧﻤﺖ ﻭﻫﺴﻊ ﻫﺎﺩﻱ ﻗﻮﻣﺔ .
المهم حتى في الملحق لم أعرف معاني الكلمات المرقمة، وقلت نشوف إذا كنتم أنتم عيال عرب أم عيال عجم مثلي، وأكون شاكر لو أولاد العرب قدموا ترجمة لتلك المفردات.